Izraeli vret tre persona në Bregun Perëndimor: Ishin terroristë

Policia izraelite ka bërë me dije këtë të martë se oficerët e njësisë speciale Yamam vranë tre persona, ku kjo e fundit i konsideroi si terroristë.

Sulmi ndodhi të martën në mëngjes në fshatin verior të Bregut Perëndimor, Kafr Qud ndërsa policia izraelite shpjegoi se oficerët vepruan mbi bazën e informacionit të dhënë nga Shin Bet dhe me mbështetjen e Forcave të Mbrojtjes së Izraelit, IDF, për të penguar një bastisje terroriste që planifikonte një sulm.

IDF tha se snajperët e Yamam vranë dy nga operativët dhe plagosën të tretin ndërsa pak kohë më pas, Forcat Ajrore Izraelite kryen një sulm ajror që shënjestroi shpellën nga e cila kishin dalë operativët, duke vrarë edhe personin e tretë të armatosur, tha IDF.

LEXONI GJITHASHTU:

• Ministri i Jashtëm i Izraelit Saar: Nuk do të pranojmë forcat turke në Gaza
• Izraeli kërkon trupat e pengjeve, Egjipti dërgon ekipin e kërkimit në Gaza