“Kosova është shtet me të drejtën e vet”, Rama nga Parisi: Evropa është ballkanizuar

“Kosova është një shtet në të drejtën e vet”, kështu u shpreh kryeministri Edi Rama në Forumin e Paqes në Paris. Gjithashtu ai foli edhe për rëndësinë e bashkëpunimit rajonal në Ballkanin Perëndimor.

Rama theksoi se të gjithë duhet të punojnë që qytetarët  të kenë lirinë e lëvizjes, pavarsishtë mardhënive të vendeve.

“Kemi një problem me Serbinë që është Kosova apo Kosovo siç i thonë ju këtu. Kosova është një problem sepse për ne është një shtet në të drejtën e vet. Por për Serbinë ose vend të tjera nuk është. Ky është një problem i madh ose do të vazhdonim të rrinim me kokën pas e të ndiznim tensione dhe energji negative, dhe të dëmtonim veten dhe ekonominë tonë, jemi tregje të vogla, ose të jemi bashkë ose alternative tjetër ishte të mos binim dakord dhe të mos bashkëpunonim.

Evropa është ballkanizuar shumë. Mendoj që edhe Franca është ballkanizuar shumë, nuk po miratojnë dot një buxhet, shihni Britaninë, është edhe më keq. Tani jemi ne të mirët, prandaj u them bëni paqe, mos kërcënoni, komunikoni, sepse vijmë nga ferri dhe ne jemi lajmëtarët. Nëse duan të na dëgjojnë ta bëjnë, nëse jo, ne sërish jemi në rregull. Nëse bota do të bëhet më e mirë do të them ne bëmë punën tonë. Do të na jepet një vend në parajsë si shqiptarë”, tha Rama.

LEXONI GJITHASHTU:

• Rama nga Forumi i Paqes: Evropës i mungon diplomacia, nuk po e shoh të zgjohet
• Rama për Politico: Në pranverë Diella është gati për intervista live