Ndarja nga jeta e Fatos Nanos, Meta: U prehtë në paqe

Presidenti i Partisë së Lirisë, Ilir Meta ka reaguar përmes një postimi në “Facebook” lidhur me ndarjen nga jeta të Fatos Nanos. Meta ka shprehur ngushëllimet e tij për familjen e Nanos.

“Fatos Nano u prehtë në paqe! Ngushëllime të sinqerta familjes, miqve dhe simpatizantëve të tij”, shkruan Meta.

Ish-kryeministri Fatos Nano është ndarë këtë të premte nga jeta në moshën 73-vjeçare. Prej më shumë se 3 javësh Nano gjendej i shtruar në një spital privat në kryeqytet në gjendje të rëndë.

Nano ndodhej në spital prej datës 8 tetor pas problemeve kronike respiratore. Ish-kryeministri, Nano pësoi arrest kardiak dhe më pas vdekje klinike të trurit. Prej ditësh gjendja e tij shëndetësore ishte e rënduar dhe pa përmirësim. Në 16 shtator të këtij viti, ish-lideri histrorik i PS, Nano festoi ditëlindjen e 73-të.

LEXONI GJITHASHTU:

• 2 nëntori shpallet nga qeveria ditë zie kombëtare në nderim të Fatos Nanos
• Ndarja nga jeta e Fatos Nanos, reagon Majko: Në rrugëtimin e tij i provoi të gjitha