Zgjedhjet lokale në Kosovë, kush fitoi dhe sa komuna mori secila parti

Kosova mbylli edhe raundin e dytë të zgjedhjeve lokale ku në balotazh u garua për 18 komuna, ndërsa në 20 komuna kryetarët u zgjodhën që në raundin e parë.

Procesi i së dielës u zhvillua pa ndonjë problem të madh dhe u vlerësua nga vëzhguesit si një ditë e qetë dhe demokratike.

Edhe numërimi dhe shpallja e rezultateve paraprake u kryen pa vonesa.

Rezultatet e raundit të dytë (18 komuna):

• LDK: Prishtinë, Pejë, Dragash, Viti, Junik
• LVV: Mitrovicë e Jugut, Fushë Kosovë, Gjilan, Obiliq
• AAK: Gjakovë, Suharekë, Klinë, Rahovec
• PDK: Prizren, Vushtrri, Kaçanik
• Lista Serbe: Kllokot
• Partia Turke KDTP: Mamushë

Në këto 18 komuna pritet të numerohen edhe votat me postë dhe ato të personave me nevoja të veçanta, megjithatë nuk priten ndryshime të mëdha.

Rezultatet e raundit të parë (12 tetor):

• LVV: Kamenicë, Podujevë, Shtime
• PDK: Skënderaj, Ferizaj, Hani i Elezit
• LDK: Istog, Lipjan
• AAK: Deçan
• Lista Serbe: Leposaviç, Novobërdë, Shtërpcë, Zubin Potok, Zveçan, Graçanicë, Ranillug, Partesh, Mitrovicë e Veriut
• NISMA: Malishevë
• Kandidat i pavarur (Ramiz Lladrovci): Drenas

Bazuar në rezultatet totale, Lëvizja Vetëvendosje dhe Lidhja Demokratike e Kosovës kanë fituar nga shtatë komuna secila, Partia Demokratike e Kosovës gjashtë komuna, Aleanca për Ardhmërinë e Kosovës pesë komuna, ndërsa Lista Serbe 10 komuna.

Pjesëmarrja ishte mbi 40% në raundin e parë dhe mbi 32% në raundin e dytë.

LEXONI GJITHASHTU:

• Rezultati nga balotazhi në Kosovë, reagon për herë të parë kryeministri Albin Kurti
• Analiza: Zgjedhje në Kosovë pa fitues absolut, por me mesazhe për partitë