Korçë/ Kapet dy të rinjtë, iu gjetën dozat e kanabisit gati për shitje

Mbrëmjen e kaluar, forcat e policisë, pas marrjes së informacioneve operative, kanë arrestuar një 25-vjeçar me inicialet S.D., tek i cili u gjet një sasi lënde narkotike e dyshuar si kokainë, e ndarë në doza të gatshme për shitje. I riu u ndalua në fshatin Zëmblak dhe dyshohet se droga ishte përgatitur për tregtim.

Gjatë të njëjtit operacion, policia ndaloi edhe një automjet tjetër, që drejtohej nga një 20-vjeçar me inicialet A.T. Gjatë kontrollit, brenda mjetit u zbulua një sasi e konsiderueshme lënde narkotike e llojit kanabis.

Në automjet ndodhej edhe një tjetër shtetas, i cili tentoi të largohej me vrap në momentin e ndërhyrjes, por u kap menjëherë nga efektivët e policisë. Sasia e drogës u sekuestrua në mjetin e 20-vjeçarit, i cili dyshohet se kishte për qëllim shpërndarjen e saj. Ky i fundit u arrestua, ndërsa personi që ndodhej me të u procedua në gjendje të lirë.

Operacioni u zhvillua nga sektori antidrogë i DVP Korçë dhe përfshiu gjithashtu kontrolle në banesa, ku u sekuestruan lëndët narkotike të gjetura në të dy rastet, si edhe disa telefona celularë. Policia dhe prokuroria po vijojnë hetimet për zbardhjen e plotë të ngjarjes.

LEXONI GJITHASHTU: 

• Organizonte lojëra fati në lokalin e tij, arrestohet 25-vjeçari në Korçë
• Pengmarrja në Devoll e 32-vjeçarit, Proda shkarkon drejtorin e Policisë Korçë