Hill vijon dëshminë në Hagë: Nuk e di nëse Thaçi ishte ndër themeluesit e UÇK-së

Ish-diplomati amerikan, Christopher Hill thotë se fakti se deri vonë emrin e Hashim Thaçi nuk e kishte hasur beson se Thaçi nuk ka qenë një nga themeluesit e Ushtrisë Çlirimtare të Kosovës, megjithatë thotë se një gjë të tillë nuk e di.

Hill është dëshmitari i pestë i ftuar nga mbrojtja e ish-presidentit, Hashim Thaçi i cili nga dje është duke dëshmuar pranë Dhomave të Specializuara në Hagë.

Nuk e di nëse ai ka qenë një prej personave themelues të UÇK-së dhe fakti që unë nuk e kam hasur emrin e tij deri më vonë gjatë vitit më sugjeron se nuk ka qenë megjithatë nuk jam në pozitë për ta konfirmuar një gjë të tillë”, tha ai.

Në pyetjet e prokurorit, James Pace nëse Hill e dinte që Hashim Thaçi ishte pjesë e drejtorisë politike të UÇK-së, ish-diplomati amerikan, Christopher Hill deklaroi se para konferencës së Rambujesë Thaçi ishte përshkruar si anëtar i drejtorisë në fjalë, “por që hollësi nuk mund të jap”.

“Në një pikë të caktuar ai përshkruhej si anëtarë i drejtorisë politike nuk jam në gjendje t’iu them se kur është thënë kjo gjë por ka qenë dikur para Rambujesë më shumë hollësi nuk iu jap”, deklaroi Hill në Hagë.

LEXONI GJITHASHTU:

• Hill vijon dëshminë në Hagë: Thaçi nuk e drejtonte UÇK-në
• Hill dëshmon në Hagë: Isha skeptik për takimin Rugova-Millosheviç në Beograd