Hill vijon dëshminë në Hagë: Thaçi nuk e drejtonte UÇK-në

Ish-diplomati Christopher Hill ka nisur dëshminë e tij në gjykatën e Hagës në gjyqin që po mbahet ndaj ish-krerëve të UÇK, Hashim Thaçit dhe të tjerëve.

Hill dëshmoi mes të tjerash për takimin e tij të parë me Hashim Thaçin gjatë vitit 1998, duke e përshkruar atë si njeri që fliste “butësisht dhe në mënyrë të mendueshme”.

“Mu krijua përshtypja se ai ishte më shumë për një mjedis universitar sesa për një mjedis ushtarak”, tha Hill për takimin e parë me Thaçin.

I pyetur nëse kishte përshtypjen nëse Thaçi ishte person që kontrollonte UÇK-në, Hill thekoi se nuk kishte bazë për një gjë të tillë.

“Ai ishte në mesin e tre personave që erdhën, të cilët i takova. Por, nuk mu krijua përshtypja se ai ishte një person që në kishte kontroll këtë organizatë të madhe, ose që drejtonte atë. Nuk kishte asnjë bazë për këtë”, dëshmoi ai.

LEXONI GJITHASHTU:

• Gjyqi ndaj ish-krerëve të UÇK, dëshmon në Hagë diplomati Christopher Hill
• Osmani në Tiranë, por jo në protestën në përkrahje të ish-krerëve të UÇK-së në Hagë