Ndërtimi i hotelit/ Protesta masive në Serbi kundër projektit të dhëndrit të Trump

Mijëra qytetarë kanë dalë në rrugët e Beogradit për të protestuar kundër planit për ndërtimin e një hoteli luksoz në vendin ku ndodhet ndërtesa ikonike e Shtabit të Përgjithshëm, ish-selia e ushtrisë jugosllave.

Raporton UNN, duke iu referuar AFP dhe ABC News, se protestat u zhvilluan menjëherë pasi parlamenti serb miratoi një ligj që heq mbrojtjen ligjore të ndërtesës, e cila deri tani konsiderohej një monument kulturor dhe historik i mbrojtur nga shteti.

Vendimi ka shkaktuar zemërim të gjerë në opinionin publik, pasi ndërtesa e shkatërruar pjesërisht gjatë bombardimeve të NATO-s në vitin 1999, shihet si simbol i historisë moderne të Serbisë.

Sipas raportimeve, projekti i ri përfshin ndërtimin e një hoteli luksoz në bashkëpunim me Jared Kushner, dhëndrin e presidentit amerikan Donald Trump. Kritikët thonë se shembja e godinës për t’i hapur rrugë një projekti komercial është “fshirje e kujtesës historike” dhe një “fyerje për viktimat e luftës”.

Autoritetet serbe, megjithatë, e justifikojnë vendimin si pjesë të zhvillimit urban dhe ekonomik të kryeqytetit, duke premtuar se një pjesë e strukturës origjinale do të ruhet në kujtim të historisë së saj.