Izraeli rihap kalimin Zikim për dërgimin e ndihmave humanitare në Gaza

Izraeli rihapi të mërkurën kalimin kufitar Zikim në Gazën veriore për të lejuar kamionët me ndihma humanitare të hyjnë në enklavë, tha COGAT, krahu i ushtrisë izraelite që mbikëqyr fluksin e ndihmave.

Agjencitë e ndihmës së OKB-së kanë bërë thirrje disa herë për rihapjen e pikës kufitare në mënyrë që të hyjnë më shumë ndihma në pjesën veriore të enklavës, veçanërisht pas armëpushimit Izrael-Hamas muajin e kaluar.

Zyra humanitare e OKB-së (OCHA) tha se vendkalimi u mbyll më 12 shtator dhe që atëherë asnjë kamion nuk ka qenë në gjendje të importojë furnizime. Sakq, ushtria izraelite nuk i është përgjigjur një kërkese për koment mbi arsyet e mbylljes.

Ndihmat humanitare u lejuan në Gazën veriore përmes jugut, por nevojitej më shumë shumë ndihma, pasi qyteti verior i Gazës dhe zonat përreth po vuajnë zyrtarisht nga uria, thonë autoritetet vendase.

Një deklaratë e COGAT thuhet gjithashtu se kalimi u hap “në përputhje me një direktivë të skalonit politik”.

“Ndihma do të transferohet nga OKB-ja dhe organizatat ndërkombëtare pas inspektimeve të hollësishme të sigurisë nga Autoriteti i Kalimeve Tokësore të Ministrisë së Mbrojtjes”, shtoi ajo.

LEXONI GJTIHASHTU:

• Izraeli ka shkatërruar më shumë se 1,500 ndërtesa në Gaza që nga armëpushimi
• SHBA do të ndërtojnë një bazë ushtarake 500 milionë dollarë në kufirin Izrael-Gaza