Britani: Muri u shemb mbi ta, humb jetën një 5-vjeçar, lëndohet 6-vjeçarja

Një tragjedi ka ndodhur në një qendër golfi në juglindje të Londrës, ku një djalë pesëvjeçar humbi jetën dhe një vajzë gjashtëvjeçare u plagos, pasi një mur u shemb mbi ta në ambientet e Sidcup Family Golf në Chislehurst.

Ngjarja ndodhi të dielën në mbrëmje, kur oficerët e policisë dhe ekipet e ndihmës së shpejtë ndërhynë pas raportimeve për një aksident. Djali u transportua me Ambulancën Ajrore të Londrës në spital në gjendje kritike, por fatkeqësisht ndërroi jetë të martën.

Vajza gjashtëvjeçare, që gjithashtu pësoi lëndime, tashmë ka dalë nga ambientet nga spitali.

Hetimet për shkaqet e shembjes janë ende në zhvillim. Autoritetet policore po bashkëpunojnë me Ekzekutivin e Shëndetit dhe Sigurisë për të përcaktuar rrethanat e incidentit.

Në një deklaratë zyrtare, Sidcup Family Golf njoftoi se qendra është mbyllur përkohësisht pas ngjarjes.

“Mendimet tona janë me ata që janë prekur. Ne e vlerësojmë mirëkuptimin tuaj në këtë kohë dhe do të ndajmë përditësime të mëtejshme kur të jetë e përshtatshme,” – thuhet në reagimin e qendrës.