Bedri Hamza shpall kandidaturën për kryetar të PDK

Nënkryetari aktual i Partisë Demokratike të Kosovës (PDK), Bedri Hamza, ka shpallur sot zyrtarisht kandidaturën e tij për postin e kryetarit të partisë.

Në një postim në Facebook, Hamza shkroi se vendimi i tij buron nga “besimi në të ardhmen e PDK-së dhe nevoja për unitet, reformë dhe rikthim të partisë si forca kryesore politike në vend”.

“PDK-ja ka forcën për t’u unifikuar, reformuar dhe rikthyer si partia kryesore në Kosovë. Nga lufta për liri deri te shtetndërtimi e integrimi, partia jonë ka lënë gjurmë të pashlyeshme në historinë e vendit,” u shpreh Hamza.

Ai falënderoi themeluesit e partisë — Hashim Thaçin, Kadri Veselin dhe Jakup Krasniqin — duke u shprehur me shpresë se “së shpejti do të jenë sërish mes nesh”. Hamza gjithashtu vlerësoi punën e ish-kryetarëve Enver Hoxhaj dhe Memli Krasniqi, për “udhëheqjen me dinjitet në kohë sfidash”.

LEXONI GJITHASHTU:

• Memli Krasniqi tregon arsyet e dorëheqjes nga kryetari i PDK-së
• Prizreni në festë kreu i PDK-së dhe Shaqir Totaj rrethohen nga qytetarët: Urime