Vrasja e Gentjan Bejtjas, Prokuroria kërkon 23 vjet burg për Ilir Beqarajn

Prokuroria e Tiranës ka kërkuar shpalljen fajtor dhe dënimin me 23 vjet burg për shtetasin Ilir Beqaraj (alias Brahimi, alias Mançellari), i akuzuar për vrasjen e ish-policit Gentjan Bejtja, 1 vit më parë në Larushk të Fushë-Krujës.Shtetasi Ilir Beqaraj nga hetimet e Prokurorisë, rezulton se ka bashkëpunuar me personat e tjerë duke luajtur rolin e ndihmësit dhe këtë vepër penale e ka kryer në bashkëpunim

“Nga hetimet e procedimit penal të vitit 2024, rezultoi se më datë 15.03.2024, persona të armatosur pasi kanë kaluar rrethimin e jashtëm të banesës së shtetasit G.B, kanë hyrë brenda oborrit dhe kanë qëlluar disa herë me armë zjarri në drejtim të shtetasit G.B, ku si pasojë e të shtënave me armë zjarri ka gjetur vdekjen e menjëhershme. Pak minuta pas ngjarjes në rrugën dytësore në fshatin Hasan, Fushë Krujë, është konstatuar duke u djegur një automjet tip Land Rover, që është përdoruar nga autorët në vendngjarje.

Nga provat e administruara rezulton se i pandehuri I.B në kohë të ndryshme përpara kësaj ngjarje me mjetin e tij ka qenë në afërsi të vendit ku ndodhet banesa e shtetasit G.B, kjo gjë provohet nga kqyrja e GPS të automjetit të cilin e ka të marrë me qera.

Nga akti i ekspertimit biologjik të AND-së, është konluduar se: automjeti i markës Volksagen Golf me ngjyre të zezë, në pronësi të shtetasit E.H (arrestuar në datë 19.03.2024), që është përdorur nga autorët për t’u larguar menjeherë pas djegies së automjeti markës “Land Rover”, në fshatin Hasan, Fushë Krujë, dhe në të është përftuar profil gjenetik i shtetasve I.B, alias I.B, alias I.M (arrestuar ne datë 19.03.2024) dhe F.P, alias F.Si, alis F,M, të cilët dyshohen se kanë pasur rol në ekzekutimin/vrasjen e shtetasit G.B, me datë 15.03.2024, në fshatin  Larush, Fushë Krujë.

Pas kryerjes së veprime hetimore është urdhëruar regjistrimi i emrave të  personave nën hetim në lidhje me procedimin penal nr 1944 të vitit 2024, ku për shtetasin I.B më datë 28.02.2025 është bërë veçimi i procedimit penal nr.1944/2 e vitit 2024 i cili referuar provave të grumbulluara gjatë hetimit të këtij procedimi penal, mekanizmi i ngjarjes është i atillë në të cilin i pandehuri I.B rezulton se ka bashkëpunuar me personat e tjerë duke luajtur rolin e ndihmësit dhe këtë vepër penale e ka kryer në bashkëpunim”, thuhet në njoftimin e Prokurorisë.

Gentian Bejtja, një nga emrat më të njohur të policisë në zonën e Fushë Krujës, është ekzekutuar në mars të vitit të shkuar, në një atentat me armë zjarri brenda oborrit të shtëpisë së tij në Larushk.

Dyshohet se autorët pasi kanë rënë në gjurmët e Gentjan Bejtjas, kanë qëlluar me 4 automatikë kallashnikov.

LEXONI GJITHASHTU:

• Tentoi eleminimin e Gentian Bejtjas, kush është i arrestuari i bandës së Niklës
• Vrasja e Gentian Bejtjas, gjykata lë në burg dy të dyshuarit