Koreja e Veriut dënon marrëveshjen bërthamore midis Suelit dhe SHBA-së

Presidenti i Koresë së Jugut, Lee Jae Myung, njoftoi javën e kaluar finalizimin e një marrëveshjeje të shumëpritur sigurie dhe tregtare me Shtetet e Bashkuara, duke përfshirë planet për të ecur përpara me zhvillimin e anijeve me energji atomike.

Seuli tha se kishte siguruar “mbështetje për zgjerimin e autoritetit mbi pasurimin e uraniumit dhe ripërpunimin e karburantit të shpenzuar”.

Në komentet e para në përgjigje të marrëveshjes, Koreja e Veriut u kundërpërgjigj duke thënë se programi i nëndetëseve ishte një “përpjekje e rrezikshme për konfrontim”.

Marrëveshja është një “zhvillim serioz që destabilizon situatën e sigurisë ushtarake në rajonin e Azi-Paqësorit përtej gadishullit Korean dhe shkakton situatën e kontrollit të pamundur bërthamor në sferën globale”, thuhet në komentin e publikuar të martën nga Agjencia Qendrore Koreane e Lajmeve, KCNA.

Zotërimi i nëndetëseve bërthamore nga Koreja e Jugut “është i destinuar të shkaktojë një ‘fenomen bërthamor’ në rajon dhe të nxisë një garë të nxehtë armatimesh”, shtoi Pheniani. Ai tha gjithashtu se “DPRK-ja, Koreja e Veriut, do të ndërmarrë kundërmasa më të justifikuara dhe realiste”, për shkak të “qëllimit konfrontues” të të dy vendeve.

Ndërkohë, sipas raportimeve të mediave vendase, Koreja e Veriut në tetor kishte kryer provën e nëntë dhe të fundit të një motori balistik, duke treguar se një lëshim i plotë i një rakete të re balistike ndërkontinentale mund të kryhet në muajt në vijim.

LEXONI GJITHASHTU:

• Koreja e Jugut ndalon fluturimet, 500 mijë studentë japin provimin për universitet
• Përmbytet anija e peshkimit në brigjet e Koresë së Jugut, 9 persona të zhdukur