Rubio për luftën Rusi-Ukrainë: Të dyja palët duhet të bëjnë lëshimet e nevojshme

Sekretari amerikan i Shtetit, Marco Rubio, ka deklaruar se të dyja palët në luftën ruso-ukrainase duhet të bien dakord për “lëshimet e nevojshme”, prandaj Shtetet e Bashkuara po zhvillojnë dhe do të vazhdojnë të zhvillojnë “një listë idesh të mundshme për t’i dhënë fund kësaj lufte”.

Rubio tha se kërkohet një shkëmbim i gjerë idesh serioze dhe realiste, për t’i dhënë fund “një lufte komplekse dhe vdekjeprurëse si ajo në Ukrainë”.

Ai theksoi se Ukraina dhe Rusia duhet të bien dakord për “lëshimet e nevojshme”, për të arritur paqe të qëndrueshme.

“Dhe arritja e një paqeje të qëndrueshme do të kërkojë që të dyja palët të bien dakord për lëshime të vështira, por të nevojshme”, tha ai.

Sipas Rubios, kjo është arsyeja pse SHBA-të po zhvillojnë dhe do të vazhdojnë të zhvillojnë “një listë idesh të mundshme për t’i dhënë fund kësaj lufte”.

LEXONI GJITHASHTU:

• Rubio për sanksionet ndaj Rusisë: SHBA-ja e ka bërë pjesën e saj, radhën e ka Evropa
• Rubio mohon se Britania nuk ndan më informacione rreth Karaibeve me SHBA-në