Rubio për sanksionet ndaj Rusisë: SHBA-ja e ka bërë pjesën e saj, radhën e ka Evropa

Sekretari amerikan i Shtetit, Marco Rubio, ka deklaruar hapur se Uashingtoni pothuajse nuk ka më mjete për të vendosur sanksione të reja ndaj Rusisë.

Kompanitë më të mëdha të naftës janë tashmë nën kufizime, dhe përtej kësaj, është një rrugë pa dalje.

Sipas Rubios, tani do t’i takojë Evropës të merret me “flotën” e Rusisë.

“SHBA-ja, e ka bërë tashmë pjesën e vet dhe tani topi është tek aleatët”, ka deklaruar ai.

Ndërkohë, SHBA-ja së fundi i ka vendosur sanksione të fuqishme industrisë së naftës së Rusisë, ndaj dy kompanive më të mëdha të Rosneft dhe Lukoil, në përpjekje për t’i bërë trysni Moskës të ulet për të biseduar për arritjen e një marrëveshjeje për paqe në Ukrainë.

Ky vendim erdhi pak pasi BE-ja e miratoi të paketën e 19-të të sanksioneve ndaj Moskës, një muaj më parë, për luftën e saj kundër Ukrainës, e cila përfshin edhe ndalimin e importeve të gazit të lëngshëm natyral të Rusisë.

LEXONI GJITHASHTU:

• Rubio mohon se Britania nuk ndan më informacione rreth Karaibeve me SHBA-në
• Rubio: SHBA e gatshme të zhvilloj takime me zyrtarët rusë për të zgjidhur konfliktin