Kina lëshon anijen kozmike Shenzhou 22 për të ndihmuar në kthimin e 3 astronautëve

Kina lëshoi ​​të martën anijen kozmike Shenzhou 22 për të ndihmuar në kthimin në tokë të një ekipi astronautësh, pasi një anije kozmike e dëmtuar i la ata të bllokuar përkohësisht në stacionin hapësinor të Kinës.

Shenzhou 22 do të përdoret diku nga viti 2026 nga tre astronautët që u ankoruan në stacionin hapësinor Tiangong më 1 nëntor.

Më herët këtë muaj, një grup tjetër astronautësh kinezë nga misioni Shenzhou 20 u përball me një vonesë nëntëditore në kthimin e tyre në Tokë, pasi dritarja e anijes së tyre u dëmtua. Ata përfundimisht u kthyen duke përdorur anijen kozmike Shenzhou 21, e cila sapo kishte transportuar ekuipazhin zëvendësues në Tiangong.

Ndërsa ekuipazhi prej tre personash u ul shëndoshë e mirë në Tokë, tre nga astronautë e tjerë në ekuipazhin zëvendësues mbetën përkohësisht pa një mënyrë të garantuar për t’u kthyer në rast emergjence.

Anija kozmike Shenzhou 20, ajo e dëmtuara, e cila për momentin mbetet në hapësirë, do të sillet në Tokë më vonë dhe do të vlerësohet, sipas raportimit të mediave vendase. Ndërkohë, sipas programi hapësinor  ajo nuk i plotëson standardet e sigurisë për transportimin e astronautëve.

Astronautët kinezë kanë kryer misione në stacionin hapësinor Tiangong vitet e fundit, si pjesë e programit hapësinor të Pekinit që po përparon me shpejtësi, fillimisht duke e ndërtuar stacionin modul pas moduli.

Kina e zhvilloi Tiangong pasi vendi u përjashtua nga Stacioni Ndërkombëtar Hapësinor për shkak të shqetësimeve të sigurisë kombëtare të SHBA-së, pasi programi hapësinor i Kinës kontrollohet nga ushtria e saj.

Tiangong, që do të thotë “Pallati Qiellor”, priti ekuipazhin e tij të parë në vitin 2021. Është më i vogël se Stacioni Ndërkombëtar Hapësinor, i cili ka funksionuar për 25 vjet.

LEXONI GJITHASHTU:

• Kina lëshon anije kozmike në Hënë, shkencëtarët vendas: Sukses i plotë!
• SpaceX lëshon në hapësirë një anije kozmike të ushtrisë amerikane