Arsenal–Bayern, supersfida e Champions League ndez mbrëmjen
Sulmi më i mirë përballë mbrojtjes së hekurt, njëri kryeson kampionatin anglez dhe tjetri atë gjerman.
Kjo është padyshim ndeshja e momentit në futbollin evropian, Arsenal–Bayern.
Dy ekipet më në formë të momentit sfidojnë njëra-tjetrën në Londër dhe sigurisht që e gjithë vëmendja është në “Emirates Stadium”.
Ky është ballafaqimi i 17-të mes këtyre dy skuadrave në të gjitha kompeticionet dhe i 15-ti në Ligën e Kampionëve, aty ku Bayern ka 8 fitore, Arsenali 3 dhe 3 duele janë mbyllur në barazim.
Të dyja vijnë me mungesa në këtë përballje, por teknikët Arteta dhe Kompany i kanë gati formacionet.
Britanikët cilësohen favoritë për fitimin e 90 minutave, edhe pse duele të tilla nuk mund të parashikohen.
E mërkura vijon edhe me ndeshje të tjera spektakolare: njëra në Madrid mes Atleticos vendëse dhe Interit, dhe tjetra në “Parkun e Princave”, ku kampionët në fuqi PSG presin Tottenhamin.
Në fushë do të zbresin edhe rekordmenët e Champions, Real Madridi, që udhëton drejt Greqisë, ku e pret Olympiacos.
Pas humbjes në kampionat përballë Nottinghamit, Liverpool-i kërkon kthimin te fitorja dhe synon ta bëjë këtë në Champions ndaj PSV-së.
Eintracht Frankfurt–Atalanta dhe Sporting–Club Brugge janë dy duele të tjera që luhen në mbrëmje, ndërsa e mërkura hapet me Kopenhagen–Kairat Almaty dhe Pafos–Monaco.
LEXONI GJITHASHTU:
“Opozitë e krimit”! Protestuesit nga selia e PS-së shkojnë para selisë së PD-së
Rama për median ndërkombëtare: Shqipëria nën sulm nga armiqtë dhe në luftë hibride
Dita e katër e protestës kundër projektit në Zvërnec, përplasje mes policisë dhe protestuesve
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta