Putin: Ukraina duhet të dorëzojë territor që çdo marrëveshje të jetë e mundur

Presidenti Rus, Vladimir Putin, ka thënë se skica e një draft-plani paqeje të diskutuar nga SHBA-të dhe Ukraina mund të shërbejë si bazë për negociatat e ardhshme për t’i dhënë fund luftës, por këmbënguli se Ukraina do të duhet të dorëzojë territor që çdo marrëveshje të jetë e mundur.

“Në përgjithësi, ne pajtohemi që kjo mund të jetë baza për marrëveshjet e ardhshme”, tha Putin, duke vënë në dukje se versioni i planit të diskutuar nga Uashingtoni dhe Kievi në Gjenevë ishte ndarë me Moskën.

“Ne shohim që pala amerikane e merr parasysh qëndrimin tonë në disa fusha. Por në pika të tjera, ne duhet të ulemi dhe të flasim”, tha ai.

Vërejtjet e palëkundura të presidentit rus, në të cilat ai e përshkroi përsëri Volodymyr Zelenskyn si udhëheqës “jolegjitim”, që pavarësisht optimizmit të Shtëpisë së Bardhë, ka pak shenja lëvizjeje në pikat kryesore të ngërçit të nevojshme për t’i dhënë fund luftës.

Duke folur me gazetarët gjatë një vizite pune në Kirgistan, Putin tha se Rusia do ta ndalte ofensivën e saj vetëm nëse forcat ukrainase tërhiqeshin nga zona të paspecifikuara që aktualisht janë nën kontrollin e Kievit.

“Nëse trupat ukrainase largohen nga territoret që kanë pushtuar, atëherë ne do të ndalojmë së luftuari. Nëse nuk e bëjnë këtë, ne do t’i arrijmë qëllimet tona ushtarakisht”, shtoi ai.

Ai gjithashtu përsëriti pretendimin e tij se udhëheqja e Ukrainës ishte ‘jolegjitime’, duke argumentuar se kjo e bënte të pamundur ligjërisht nënshkrimin e një marrëveshjeje të detyrueshme me Kievin dhe se çdo zgjidhje e ardhshme do të kërkonte njohje më të gjerë ndërkombëtare”.

LEXONI GJITHASHTU:

• Putin: Pikat e SHBA-së mbi Ukrainën mund të jenë baza e marrëveshjes së ardhshme
• Skandali ‘Witkoff’, këshilltari i Putin fajëson WhatsApp-in për rrjedhjen e bisedës