Zelensky: Negociatat me SHBA do zhvillohen së shpejti, kush e përfaqëson Ukrainën

Presidenti ukrainas Volodymyr Zelensky tha sot se vendi do të përfaqësohet nga Shefi i Shtabit të Përgjithshëm të Forcave të Armatosura të Ukrainës Andrey Gnatov dhe Sekretari i Këshillit të Sigurisë dhe Mbrojtjes Kombëtare Rustem Umerov në negociatat me Shtetet e Bashkuara të Amerikës mbi planin e paqes për t’i dhënë fund konfliktit me Rusinë, të cilat, siç deklaroi ai, do të fillojnë së shpejti.

Në një video-mesazh në mbrëmje, Zelensky tha se përfaqësues të Ministrisë së Punëve të Jashtme dhe shërbimit të inteligjencës ukrainase do të jenë midis anëtarëve të delegacionit ukrainas, raporton Unian.

Ai shtoi se aktualisht po bëhen përgatitjet për një takim me palën amerikane.

“Negociatat do të fillojnë së shpejti dhe përfaqësuesit tanë do të jenë atje – Shefi i Shtabit të Përgjithshëm, përfaqësues të Ministrisë së Punëve të Jashtme, Sekretari i Këshillit të Sigurisë dhe Mbrojtjes Kombëtare dhe shërbimi ynë i inteligjencës. Takime me palën amerikane do të mbahen në të ardhmen e afërt”, theksoi Zelenski.

Deri më tani, delegacioni ukrainas drejtohej nga Andrij Yermak, i cili dha dorëheqjen sot nga posti i kreut të kabinetit presidencial.

LEXONI GJITHASHTU:

• Putin gjatë takimit me Orban: Budapesti mund të presë samitin SHBA-Rusi për Ukrainën
• Lufta në Ukrainë, Putin: Nuk ndalojmë pa njohjen ligjore të Krimesë dhe Donbasit