Publikohen pamjet, dronët ukrainas godasin dy tankerë rusë në Detin e Zi

Janë publikuar pamjet që tregojnë momentin e goditjes së dy tankerëve rusë, “Kairo” dhe “Virat”, nga dronët detarë të Shërbimit të Sigurisë së Ukrainës (SBU).

Të dy anijet, të cilat i përkasin të ashtuquajturës flotë “hije” ruse dhe janë të sanksionuara ndërkombëtarisht, u sulmuan gjatë një operacioni të përbashkët të Drejtorisë së Kundërzbulimit Ushtarak dhe Marinës së Ukrainës.

Sipas autoriteteve ukrainase, të dy tankerët pësuan dëmtime kritike dhe u nxorën plotësisht jashtë funksionit. Pamjet e publikuara dokumentojnë qartë momentet e goditjes në Detin e Zi, duke konfirmuar vazhdimin e sulmeve ukrainase ndaj infrastrukturës detare ruse.