Papa Leo viziton Xhaminë Blu të Stambollit gjatë vizitës së parë jashtë vendit

Papa Leo vizitoi Xhaminë Blu të Stambollit gjatë një dite takimesh me udhëheqës myslimanë dhe të krishterë.

Papa Leo iu bashkua imamit në xhaminë e shekullit të 17-të të epokës osmane, e cila zyrtarisht quhet Xhamia e Sulltan Ahmedit.

Udhëtimi shënoi një pjesë të ditës së tretë të vizitës së tij të parë jashtë shtetit si kreu i Kishës Katolike. Nga Turqia, ai do të udhëtojë për në Liban të dielën.

Pas vizitës në xhami, Leo zhvilloi një takim privat me udhëheqësit e krishterë të Turqisë në Kishën Ortodokse Siriane të Mor Efremit.

Ndërsa Vatikani kishte thënë se Leo do të mbante një “minutë të shkurtër lutjeje në heshtje” në Xhaminë Blu, imami tha se Papa nuk pranoi.

Duke folur me gazetarët pas vizitës, Asgin Tunca tha se i kishte thënë Papës: “Nuk është shtëpia ime, as shtëpia jote, është shtëpia e Allahut”.

Imami shtoi se i kishte thënë papës: “‘Nëse do, mund të lutesh këtu’, Por ai tha, ‘nuk ka problem”.

LEXONI GJITHASHTU:

• Papa Leo dënon keqpërdorimin e fesë për justifikimin e luftës dhe dhunës
• Presidenti Erdogan pret në Ankara Papa Leonin