Të shtëna në Elbasan, vritet me 2 plumba biznesmeni pranë karburantit të tij (EMRI)

Një atentat me armë zjarri janë regjistruar mbrëmjen e së dielës në Elbasan. Nga të shtënat ka humbur jetën biznesmeni Edmond Mëhalla.

Ai është qëlluar me dy plumba në kokë ndërsa ndodhej në makinë pranë biznesit të tij. Viktima njihet me dy emra Edmond Hyka ose Edmond Mëhalla, 43 vjeç. E gjithë zona është e survijuar nga kamera dhe qarkullimi kur ka ndodhur krimi ka qenë shumë i lartë.

Atentati duket se ka qenë i mirë-organizuar, pasi atentatorët janë larguar pasi janë bindur që personi që ishte objektivi ka ndërruar jetë. Disa persona janë shoqëruar në polici për të dhënë detaje lidhur me ngjarje.

Në një reagim për mediat, policia thekson se vrasja ka ndodhur në lagjen “Emin Matraxhiu” dhe po heton për autorët dhe motivet e ngjarjes.

“Rreth orës 20:35, është marrë njoftim se në lagjen “Emin Matraxhiu”, brenda në një automjet të parkuar, është gjetur, i vrarë me armë zjarri, shtetasi M. M. alias E. H., 43 vjeç.

Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve”, njofton policia.

LEXONI GJITHASHTU:

• Të shtëna me armë zjarri në Elbasan, dyshohet për të vdekur
• Balona të dyshimta në hapësirën ajrore të Lituanisë, mbyllet aeroporti i Vilniusit