Themeluesi i eutanazisë ndërron jetë me anë të vdekjes së asistuar

Themeluesi i organizatës zvicerane Dignitas, e cila ofron shërbime për vetëvrasje të asistuar, ndërroi jetë në të njëjtën mënyrë, nëpërmjet vdekjes së asistuar.

Ludwig Minnelli, i cili themeloi organizatën në vitin 1998, vdiq të shtunën, disa ditë para ditëlindjes së tij të 93-të, tha Dignitas. “Deri në fund të jetës së tij, ai vazhdoi të kërkonte mënyra të mëtejshme për të ndihmuar njerëzit të ushtronin të drejtën e tyre për liri zgjedhjeje dhe vetëvendosje në ‘çështje të fundit’ – dhe shpesh i gjente ato”.

Minnelli, një gazetar i kthyer në avokat, u përball me sfida të shumta ligjore dhe apeloi disa herë në Gjykatën Supreme të Zvicrës dhe në Gjykatën Evropiane të të Drejtave të Njeriut .

Gati tre dekada pas themelimit të Dignitas ka pasur një ndryshim të ndjeshëm në qëndrimet ndaj vdekjes së asistuar në nivel ndërkombëtar. Kohët e fundit, Franca miratoi dhënien e kësaj të drejte njerëzve në fazat e fundit të sëmundjes terminale. Kanadaja, Australia, Zelanda e Re, Spanja dhe Austria kanë miratuar ligje mbi eutanazinë e asistuar që nga viti 2015. Në SHBA, eutanazia e asistuar është e ligjshme në 10 shtete.

LEXONI GJITHASHTU:

• Vendi i parë në Amerikën Latine, Uruguai miraton ligjin që lejon eutanazinë
• Toskana miraton eutanazinë për njerëzit me sëmundje të pashërueshme