Vendi i parë në Amerikën Latine, Uruguai miraton ligjin që lejon eutanazinë

Senati i Uruguait miratoi të mërkurën një ligj që lejon eutanazinë, duke e vendosur kombin e Amerikës së Jugut midis një numri të vogël vendesh të tjera ku pacientët me sëmundje të rëndë mund të marrin ligjërisht ndihmë për t’i dhënë fund jetës së tyre.

Kjo e bën Uruguain vendin e parë në Amerikën Latine kryesisht katolike që lejon eutanazinë nëpërmjet legjislacionit. Ligji, i cili eci përpara me ndërprerje gjatë pesë viteve të fundit, kaloi pengesën e fundit të mërkurën, pasi 20 nga 31 senatorë votuan pro.

Dhoma e ulët e miratoi projektligjin në gusht me shumicë të madhe. Ajo çfarë mbetet është që qeveria të zbatojë rregulloret. Gjatë debatit, senatorët nga koalicioni qeverisës i Frontit të Gjerë mbrojtën të drejtën e eutanazisë duke e krahasuar me legalizimin e divorcit dhe martesës së personave të të njëjtës gjini.

LEXONI GJITHASHTU:

• Eutanazia, vdekje dinjitoze? Mjeku shqiptar në Belgjikë: Është ndihmë për pacientin
• Legalizohet eutanazia në Slloveni, miratohet ligjin pasi qytetarët votuan ”pro”