Ndalimi i Mogherinit për mashtrim me fondet e BE, gazetarja jep detaje nga hetimi

Gazetarja, reporterja italiane Anxhela Maura ka folur për Euronews Albania në edicionin informativ me moderatore Ujeza Doshlani lidhur me ndalimin në Bruksel të ish-shefes së Diplomacisë së BE-së, Federica Mogherini. Sipas gazetares, ky është një hetim i papritur, i cili sipas asaj që vihet re nga gazetarja, është që më shumë po gëzon Moskën dhe partitë e djathta në Europë. Ajo thekson se mbetet për tu parë reagimi zyrtar i prokurorisë evropiane.

“Lajmi ka bërë bujë, jemi ende në pritje për të kuptuar detajet e operacionit që është kryer në këtë mëngjes në zyrat e shërbimit diplomatik dhe në Kolegjin Evropian, ku ka pasur një sërë kontrollesh. Përveç Mogherinit, është dhe ish-ambasadori Sanino. Të vetmet që komentojnë në këtë ndalim ndërkombëtar janë partitë e djathta dhe Moska. Moska tha se Europa duhet të pastrojë shtëpitë e saj. Bëhet fjalë për një hetim të papritur dhe që ngre shumë pyetje. Do të shohim komunikimin e Prokurorisë lidhur me këtë çështje. Sa i takon Moskës, ajo po përfiton për të akuzuar BE-në. Të presim të shohim detajet dhe akuzën; natyrisht imazhi ka marrë një goditje të rëndë, imazhi i BE-së. Kemi të bëjmë persona të spikatur që përfshihen në një hetim të prokurorisë Evropiane. Ngjarjat kanë ndodhur gjatë legjislaturës së kaluar, për ngritjen e Kolegjit Evropian. Flitet për një tender të vitit 2022,” – tha gazetarja italiane Maura.

LEXONI GJITHASHTU:

• Ndalimi i Frederica Mogherinit nga policia belge për mashtrim, përgjigjet Brukseli
• Rutte: Presim nga Serbia që të nxjerrë para drejtësisë autorët e sulmit në Banjskë