Qëlluan me armë zjarri drejt një biznesi, arrestohet 1 nga autorët, në kërkim i biri

Policia e Kukësit ka zbardhur ngjarjen e ndodhur disa ditë më parë në lagjen Drinas të fshatit Mamëz, Kukës, ku u qëllua me armë zjarri në drejtim të një biznesi.

Lidhur me këtë ngjarje janë identifikuar 2 autorët e dyshuar (babë e bir). Policia ka vënë në pranga një nga autorët dhe ka shpallur në kërkim djalin e tij.

“Në kuadër të operacionit policor të koduar “Drinas”, u bë kapja dhe ndalimi i njërit prej autorëve, shtetasit Xheme Mena 59 vjeç, si dhe u shpall në kërkim djali i tij, shtetasi Misin Mena 26 vjeç, banues në Kukës, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Shkatërrimi i pronës” dhe “Prishja e qetësisë publike”.

Këta shtetas, më datë 27.11.2025, në lagjen Drinas, dyshohet se kanë qëlluar me armë zjarri në drejtim të dyqanit në pronësi të shtetasit T. O., duke dëmtuar fasadën me xham të dyqanit”, bëri me dije policia.

LEXONI GJITHASHTU:

• Lëvizte i armatosur me pistoletë, arrestohet 30-vjeçari në Kukës
• Të akuzuar për korrupsion zgjedhor, SPAK çon për gjykim dy persona nga Kukësi