Kremlini: Putin pranoi disa propozime të SHBA-së për Ukrainën
Kremlini tha të mërkurën se presidenti rus Vladimir Putin pranoi disa propozime të SHBA-së që synonin t’i jepnin fund luftës në Ukrainë dhe hodhi poshtë të tjera. Më tej Kremlini theksoi se Rusia është e gatshme të takohej me negociatorët amerikanë sa herë që të nevojitej për të arritur një marrëveshje.
Zëdhënësi i Kremlinit, Dmitry Peskov i pyetur nëse do të ishte e saktë të thuhej se Putini i kishte refuzuar propozimet e SHBA-së, ai tha se nuk do të ishte kështu.
“Dje për herë të parë u zhvillua një shkëmbim i drejtpërdrejtë pikëpamjesh”, tha Peskov. “Disa gjëra u pranuan, disa gjëra u shënuan si të papranueshme – ky është një proces normal pune për të gjetur një kompromis”, shtoi ai.
Peskov tha se Rusia i ishte mirënjohëse Trumpit për përpjekjet e tij, por se Kremlini nuk do të jepte komente të vazhdueshme mbi diskutimet me Shtetet e Bashkuara, pasi publiciteti nuk ka gjasa të jetë konstruktiv.
“Puna po kryhet aktualisht në nivel ekspertësh”, tha Peskov. “Është në nivel ekspertësh që duhet të arrihen rezultate të caktuara që më pas do të bëhen baza për kontakte në nivelin më të lartë,” shtoi ai.
Putin të martën tha se fuqitë evropiane po përpiqeshin të prishnin bisedimet e paqes duke propozuar ide që ishin absolutisht të papranueshme për Rusinë.
Ministri i Jashtëm i Iranit: Lufta duhet të përfundojë në të gjitha frontet, përfshirë Libanin
Papa Leo lutet për viktimat e tërmetit në Venezuelë, BE dërgon ndihmë emergjente
“Ju lutem, një ambulancë!” Pas 74 orësh nën rrënoja, shpëtohen një foshnje 10-muajshe dhe një 11-vjeçar (VIDEO)
- 15:32 Ministri i Jashtëm i Iranit: Lufta duhet të përfundojë në të gjitha frontet, përfshirë Libanin
- 15:23 Papa Leo lutet për viktimat e tërmetit në Venezuelë, BE dërgon ndihmë emergjente
- 15:11 Përfundon me tensione liturgjia e Vidovdanit, arrestohen 5 persona. Gazetari jep detaje nga vendngjarja
- 14:58 “Ju lutem, një ambulancë!” Pas 74 orësh nën rrënoja, shpëtohen një foshnje 10-muajshe dhe një 11-vjeçar (VIDEO)
- 14:45 Rrëzohet një avion në Francë, humbin jetën 11 persona
- 13:59 “The Albanian Files”/ Berisha reagon pas deklaratës së Ramës: E trajton Shqipërinë si Sulltanatin e tij