Juventus kualifikohet në çerekfinalen e Kupës, Dortmundi eliminohet nga Leverkusen

Juventus është kualifikuar në çerekfinalen e Kupës së Italisë, pasi mposhti Udinezen në shtëpi ndërsa në Gjermani, Leverkusen eliminoi Dortmundin.

Juventus zhvilloi një ndeshje pozitive përballë Udinese, duke i eliminuar këta të fundit nga gara dhe duke avancuar vetë në çerekfinale.

Bardhezinjtë gjetën avantazhin shpejt me golin e David në pjesën e parë, ndërsa dominuan kundërshtarin gjatë gjithë takimit.

Në pjesën e dytë ishte Locatelli që nuk gaboi nga pika e bardhë e penalltisë, duke dyfishuar avantazhin. Për Juventus u anulua gjithashtu një gol për pozicion të parregullt.

Me këtë fitore, Juventus pret fituesin e çiftit Atalanta-Genoa në çerekfinale.

Në një tjetër kompeticion kupe, atë të Gjermanisë, pati surpriza, ku Dortmund u eliminua nga Leverkusen.

Verdhezinjtë u mposhtën minimalisht, por kjo mjaftoi për t’u larguar nga gara. Golin vendimtar e shënoi Maza në pjesën e parë.

Më tej, avancuan edhe Leipzig, St. Pauli dhe Hertha Berlin. Leipzig u përball me Magdeburg në një duel pa shumë histori, duke fituar 3-1.

Baumgartner realizoi dopietë, ndërsa Nusa shënoi për Leipzig; për miqtë golin e vetëm e shënoi Gnaka.

Kupa e Gjermanisë do të vijojë këtë të mërkurë, kur në fushë do të zbresë Bayern Munich.