Frika nga sulmet amerikane, Maduro shton masat për sigurisë e tij personale

Presidenti venezuelian, Nicolas Maduro duket se i ka marrë seriozisht kërcënimet e fundit të administratës Trump, pasi ka rritur masat e tij të sigurisë personale. Nga frika e një sulmi ajror ose një operacioni të forcave speciale amerikane Maduro ka urdhëruar masa të shtuara sigurie dhe po kërkon ndihmë nga jashtë për të kufizuar rrezikun e tradhtisë nga njerëz të afërt me të.

Sipas New York Times, presidenti 63-vjeçar thuhet se ndryshon shpesh vendndodhjen e tij të gjumit për ta bërë më të vështirë gjurmimin e tij në rast të një sulmi të synuar. Ai gjithashtu përdor telefona celularë me parapagesë të pagjurmueshëm, të cilët i ndryshon shpesh, një praktikë që e ka zbatuar gjithnjë e më sistematikisht që kur Shtetet e Bashkuara filluan të montonin anije luftarake në Karaibe.

Siç pohoi një burim që foli për New York Times, Maduro ka forcuar rolin e truprojave kubanezë që marrin pjesë në sigurinë e tij personale, ndërsa ka integruar më shumë oficerë kubanezë të kundërzbulimit në radhët e forcave të armatosura venezueliane.  Në të njëjtën kohë, ai ka ulur ndjeshëm numrin e paraqitjeve të planifikuara dhe transmetimeve televizive të drejtpërdrejta.

LEXONI GJITHASHTU:

• Putin ultimatum Ukrainës nga India: Tërhiquni nga Donbasi ose do ta marrim me forcë
• Veliaj para GJKKO/ Kryebashkiaku kërkoi aktet, sot pritet kalimi ose jo për gjykim