Orban: Në ditët në vijim vendoset nëse lufta nga Ukraina do përhapet në Evropë

Në ditët në vijim, do të vendoset nëse lufta midis Rusisë dhe Ukrainës do të përhapet më tej drejt Evropës apo “nxehtësia e luftës do të shuhet përgjithmonë”, tha sot kryeministri hungarez Viktor Orbán.

“Nëse negociatat e rëndësishme midis SHBA-së dhe Rusisë janë të suksesshme, nxehtësia e luftës do të qetësohet dhe njerëzit në Hungari mund të marrin frymë më lirshëm. Megjithatë, nëse mbizotëron vullneti i evropianëve, të cilët mendojnë se lufta duhet të vazhdojë dhe se duhet të zgjidhet në fushën e betejës, dhe jo duke kërkuar paqe, lufta mund të përhapet më afër dhe kërcënimi do të rritet”, tha Orbán, raporton MTI.

Kryeministri hungarez tha javën e kaluar se rendi i pasluftës duhet të përfshijë transformimin e Ukrainës në një shtet tampon midis NATO-s dhe Rusisë.

Ai deklaroi se Perëndimi e armatosi Ukrainën, e integroi de facto atë në strukturat e NATO-s dhe synon ta bëjë atë anëtare de jure të NATO-s.

Orban vlerësoi gjithashtu se koha është në anën e Rusisë dhe shtoi se sa më shumë kohë të duhet për të arritur paqen, aq më shumë territor dhe jetë njerëzore do të humbasë Ukraina.