VIDEO/ Pit bulli sulmoi të voglin, dëshmia babait: Djali më buzëqeshi e mbylli sytë
Nuk ka fjalë për të përshkruar tragjedinë që përjetoi familja dhe i gjithë komuniteti lokal në Zakynthos, me vdekjen e një “engjëlli” dyvjeçar nga sulmi i një qeni.
Siç u bë e ditur, nëna me origjinë britanike dhe babai me origjinë shqiptare, të cilët jetojnë në Agios Leontis, Zakynthos, u arrestuan, siç kërkohet me ligj, ndërsa po shqyrtohet nëse ka pasur neglizhencë në kujdesin ndaj fëmijës dhe në menaxhimin e qenit.
“Vajza ime e vogël më thirri dhe unë vrapova shpejt, kjo është e gjitha që mbaj mend. Djali im i vogël iku”, tha babai për Alpha, me zërin që i dridhej.
Sipas informacioneve nga ERT, çifti, i cili ka edhe dy fëmijë të tjerë, ishte nisur për të blerë furnizime për shtëpinë, dhe kur u kthyen pak pas mesditës, djali i vogël i shpëtoi vëmendjes dhe shkoi drejt pemës ku ishte lidhur qeni, i cili e sulmoi duke i shkaktuar lëndime të rënda.
“Qeni ishte endacak; e kishim marrë sepse njerëzit në fshat shqetësoheshin se do t’i hante kafshët. E mora që të kishte një vend për të qëndruar, dhe më pas hëngri fëmijën tim. Fëmija më pa, më buzëqeshi dhe mbylli sytë”, shtoi babai.
Prindërit e çuan djalin në Spitalin e Përgjithshëm të Zakynthos, ku mjekët luftuan për ta shpëtuar, por për fat të keq nuk ia dolën dot.

LEXONI GJITHASHTU:
Fyerje, diskriminim, dhunë, vdekje – DW: Ekspertët paralajmërojnë për rritjen e racizmit anti-musliman në Gjermani
Brukseli propozon zgjatje të statusit për refugjatët ukrainas
Mbreti Charles, monarku i parë që zbulon faturën e taksave
- 14:51 Iranianët në vështirësi për ta siguruar bukën e gojës teksa çmimet vazhdojnë të rriten
- 14:45 Ministrja suedeze merr foshnjen me vete në mbledhjen e qeverisë
- 14:45 Rusia dhe Ukraina vijojnë shkëmbimin e të burgosurve, lirohen 320 persona
- 14:40 Shqiptarët të lidhur me kartelin “Los Lobos”, Artan Hoxha zbardh të vërtetën
- 14:38 Fyerje, diskriminim, dhunë, vdekje – DW: Ekspertët paralajmërojnë për rritjen e racizmit anti-musliman në Gjermani
- 14:36 Brukseli propozon zgjatje të statusit për refugjatët ukrainas