Zhupa dhe Këlliçi: Kemi thënë të vërtetën për inceneratorin e Tiranës, gjyqi presion kundër fjalës së lirë

Në përfundim të seancës gjyqësore për deklaratat e dhëna për inceneratorin e Tiranës, anëtarët e PD, Belind Këlliçi dhe Ina Zhupa – të paditur nga biznesmeni Mirel Mërtiri – u shprehën për mediat se i qëndrojnë atyre që kanë thënë për këtë temë.

Sipas Zhupës, Partia Demokratike ka dale në mbrojtje të interesit publik dhe të fondeve publike që janë përdorur nga taksat e qytetarëve.

“Kontrata për inceneratorin është bërë në vitin 2017 dhe sot që ne flasim ende nuk ka një godinë e cila të kryejë djegien e mbetjeve të qytetit të Tiranës, siç ishte e parashikuar në kontratë,” – u shpreh Zhupa.

Zëdhënësja e PD-së pretendon se padia është bërë në mënyrë që të tërhiqen nga beteja por as vetë ajo e as Këlliçi nuk do të heqin dorë pa treguar gjithë të vërtetat.

Zhupa sqaroi se çështja ka shkuar në SPAK dhe sipas saj gjithçka është lehtësisht e verifikueshme nëse shkojnë deri në Sharrë.

“Sot ishte seanca e dytë. Ne do të kemi edhe seanca të tjera përballje me zotin Mërtiri i cili na ka hedhur në gjyq duke e gjykuar ai që ne po shpifim ndërkohë që ne po themi të vërtetën dhe nuk kemi asgjë personale me zotin Mërtiri, as nuk e njohim personalisht,” – sqaroi Ina Zhupa.

“Flitet për një aferë korruptive ku janë dhënë 23 milionë euro për një incenerator që nuk ekziston,” – tha Këlliçi teksa shtoi se sipas tij kjo është një aferë që rëndon mbi xhepat e taksapaguesve të kryeqytetit.

LEXONI GJITHASHTU: 

• 3.6 milionë euro për inceneratorët, impiantet e Fierit dhe Tiranës morën paratë më 29 dhjetor
• Inceneratori i Tiranës në SPAK, Kryemadhi nxjerr dokumentet: Grabitja më e madhe shtetërore
• Inceneratorët? Tabaku: I gjithë procesi është korruptiv, kushdo që është marrë me to duhet të shkojë para drejtësisë