Orban dhe Erdogan bien dakord të vazhdojnë furnizimin me gaz rus për Hungarinë

Presidenti turk, Recep Tayyip Erdogan, dhe kryeministri hungarez, Viktor Orban, arritën sot në Stamboll një marrëveshje që Turqia të garantojë vazhdimin e tranzicionit të gazit rus në Hungari, raportoi Reuters.

Orban tha se këtë vit, Hungaria mori rreth 7.5 miliardë metra kub gaz nga Turqia, nëpërmjet tubacionit të gazit Turkish Stream.

“Kur shikoj botën që rrethon Hungarinë, shoh Turqinë që po lufton vërtet, botën turke që po përpiqet vërtet, po ecën përpara dhe po bëhet më e fortë”, tha Orban në një konferencë të përbashkët me Erdoganin.

Erdogan deklaroi se ai dhe Orban nënshkruan dokumente që do të forcojnë themelet e marrëdhënieve midis dy vendeve në fusha që variojnë nga “aviacioni te siguria, nga teknologjia te kultura dhe arsimi”.

Të dy udhëheqësit ranë dakord të krijojnë një Grup të Përbashkët Planifikimi.

“Kjo do të mundësojë që çështjet dypalëshe dhe globale të zgjidhen në një mënyrë shumë më institucionale”. Duke pasur parasysh potencialin e fortë tregtar midis nesh, diskutuam për azhurnimin e qëllimit tonë për shkëmbim ekonomik në shumën prej 10 miliardë dollarësh”, tha Erdogan.

LEXONI GJITHASHTU:

• Orban: Budapesti është gati të presë bisedimet e paqes midis Rusisë dhe Ukrainës
• Orban: Në ditët në vijim vendoset nëse lufta nga Ukraina do përhapet në Evropë