Zonja e Parë e Francës në qendër të debatit, fyeu protestueset feministe

Zonja e Parë e Francës, Brigitte Macron, u kritikua pasi u filmua duke i quajtur protestueset feministe “k***a të ndyra” përpara se të merrte pjesë në një shfaqje nga komediani Ary Abittan, i cili më parë është akuzuar për përdhunim.

Macron i bëri këto komente të dielën pas skenës së teatrit Folies Bergere në Paris, ku kishte shkuar me vajzën e saj Tiphaine Auziere për të parë shfaqjen e Abittan.

Në një video të publikuar të hënën nga revista franceze Public, Abittan i tha Macron se ishte “i frikësuar” pas protestave të natës së kaluar, ndërkohë ajo u përgjigj duke qeshur: “Nëse ka ndonjë k**v të ndyrë, do t’i nxjerrim jashtë”.

Të shtunën, aktivistë feministe nga kolektivi #NousToutes kishin ndërprerë shfaqjen e Abittan, duke mbajtur maska me fytyrën e tij dhe fjalën “përdhunues”, dhe duke brohoritur “Abittan përdhunues”.

Abittan ishte akuzuar për përdhunim në fund të vitit 2021 nga një grua me të cilën ishte takuar. Pas një hetimi trevjeçar, prokurorët e refuzuan çështjen dhe një gjykatë apelimi e mbajti këtë vendim në janar. Kthimi i tij në performanca është kundërshtuar nga grupet feministe.

Videoja e komenteve të Macron shkaktoi një reagim të gjerë kritik.

Aktrisia franceze Judith Godreche shkroi në Instagram: “Unë jam gjithashtu një k**v e pistë. Dhe mbështes të gjithë të tjerat”.

Manon Aubry, eurodeputete nga partia radikale e majtë La France Insoumise, shkroi në rrjetet sociale: “Filluam me të drejtat e grave si ‘çështja madhore e pesëvjeçarit’, dhe përfundojmë duke i ofenduar ato”.

Marine Tondelier, udhëheqëse e partisë së Gjelbërve, e quajti komentin “thellësisht ofendues” në një intervistë për BFM-TV.

“Një Grua e Parë nuk duhet të thotë këtë gjë”, tha ajo.

Zyra e Macron tha se shkëmbimi “duhet parë vetëm si një kritikë ndaj metodës radikale” të përdorur nga protestueset feministe.

Des femmes qui dénoncent les violences sexistes sont insultées de “sales connes” par Brigitte Macron.

On a commencé par les droits des femmes “grande cause du quinquennat”, ça termine en les insultant.

Il est temps que le couple Macron s’en aille. pic.twitter.com/qZp6QsE51S

— Manon Aubry (@ManonAubryFr) December 8, 2025

LEXONI GJITHASHTU:

• Siguria ajrore gjermane e shqetësuar: Rrezik nga kërcënimi i dronëve
• Presidenca franzeze reagon për videon ku Zonja e Parë “qëllon” Macronin