Trump batuta për Sekretaren e Shtypit: Buzët i ka si mitraloz i vogël, nuk ndalen

Presidenti amerikan Donald Trump u përqendrua përsëri në tema jashtë ekonomisë gjatë një fjalimi në malin Pocono, Pensilvani, duke bërë komente të diskutueshme për pamjen e sekretares së tij të shtypit, Karoline Leavitt.

Në një moment të prezantimit të 29-vjeçares para turmës, Trump tha se ajo ka “buzë që nuk ndalen, si mitraloz i vogël”, duke ilustruar edhe me efekte zanore. Ndërsa turma shpërtheu në brohoritje, reagimet në rrjetet sociale ishin të ndryshme. Disa përdorues e cilësuan deklaratën si “të frikshme” dhe “të papërshtatshme”, ndërsa organizata progresive “Call to Activism X” e quajti presidentin “një budalla të neveritshëm”.

Brandon Wolf nga Fushata për të Drejtat e Njeriut kritikoi Trump-in për largimin nga tema kryesore. “Fjalimi duhej të ishte për ekonominë, por u kthye në obsesion me komente për buzët e Karoline Leavitt,” shkroi ai, duke shtuar: “Ndërkohë çmimet nuk po ulen më.”

Ky nuk është rasti i parë që Trump i bën komente të ngjashme Leavitt. Në të kaluarën, përfshirë një intervistë me Newsmax dhe biseda në bord të Air Force One, ai kishte përdorur të njëjtën krahasim për buzët e saj.

Leavitt, e cila ka qenë pjesë e ekipeve të komunikimit të Trump që nga viti 2019, është sekretarja më e re e shtypit në historinë e Shtëpisë së Bardhë dhe ka ndërtuar një profil të lartë në mediat konservatore.

Gjatë fjalimit, i cili kishte më shumë ngjyrim mitingu, Trump sulmoi gjithashtu ish-presidentin Joe Biden dhe kongresmenin demokrat Ilhan Omar, duke përsëritur pretendime të pabaza për jetën e saj private. Ai pranoi se “nuk kishte lexuar asgjë nga teleprompteri” dhe u tall me shkruesit e fjalimeve të tij.

Leavitt, e martuar dhe nënë e një djali të vogël, ndau fragmente nga fjalimi në rrjetet sociale, ndërkohë që reagimet online ndaj komenteve të Trump-it vijojnë të jenë të forta.

LEXONI GJITHASHTU:

• “Ndërmjetësi” i Donald Trump, Kushner pjesë marrëveshjes Rusi-Ukrainë
• Cristiano Ronaldo do takohet sot me Donald Trump në Shtëpinë e Bardhë