Cilat vende votuan pro dhe kundër Izraelit në Eurovision! Vendimi që mori Shqipëria

Pas tërheqjes së Spanjës, Holandës, Sllovenisë dhe Irlandës nga Eurovisioni, Unioni Evropian i Transmetimeve konfirmoi pjesëmarrjen e Izraelit në Festivalin e Këngës. Në votimin e datës 4 dhjetor, anëtarët e Unionit mbështetën hyrjen e Izraelit me 738 vota “pro” dhe 264 “kundër”. Në total, 31 vende votuan pro, 11 kundër dhe 5 abstenuan.

Pro pjesëmarrjes së Izraelit në Eurovision votuan: Shqipëria, Andorra, Austria, Azerbajxhani, Bullgaria, Qipro, Çekia, Danimarka, Estonia, Franca, Gjermania, Gjeorgjia, Greqia, Hungaria, Italia, Luksemburgu, malta, Moldavia, Maqedonia e Veriut, Norvegjia, Portugalia, San Marino, Rumania, Sllovakia, Suedia, Zvicra, Ukraina.

Ndërsa kundra pjesëmarrjes së izraelitëve në Eurovision ishin: Algjeria, Belgjika, Egjipti, Islanda, Irlanda, Libani, Mali i Zi, Maroku, Holanda, Sllovenia, Spanja, Tunizia, Turqia, Bosnje-Hercegovina, Kroacia, Jordania, Lituania, Polonia, Mbretëria e Bashkuar.

Vendimi u shoqërua me rregulla të reja që synojnë të kufizojnë ndërhyrjen e qeverive në konkurs.Krahas debateve politike, u përfol edhe për një krizë të mundshme financiare pas largimit të Spanjës, por drejtori i Eurovisionit, Martin Green, tha se konkursi mbetet financiarisht i qëndrueshëm dhe se çdo mungesë mund të kompensohet nga rikthimi i disa vendeve vitin e ardhshëm.

Eurovision 2026 do të mbahet në Vjenë, ku finalja e madhe do të zhvillohet më 16 Maj, pas gjysmëfinaleve në 12 dhe 14 Maj.

LEXONI GJITHASHTU:

• Eurovision lejon Izraelin të marrë pjesë në konkursin e vitit 2026
• Eurovision përballet me një vendim të rëndësishëm mbi Izraelin