Shkëndija fiton sërish në Conference League, mposht 2 – 0 Slovan Bratislavën

Shkëndija ka marrë një tjetër fitore në Conference League, ndërsa shpreson të kualifikohet në fazën tjetër të kompeticionit evropian.

Të besuarit e Jeton Beqirit triumfuan në një ndeshje të jashtëzakonshme përballë Slovan Bratislavës, të cilin e mundën 2-0.

Miqtë shënuan autogol që në minutën e 33-të, teksa brenda fraksionit të parë Saphiu dyfishoi avantazhin për Shkëndijën.

Pjesa e dytë nuk solli ndryshime, duke bërë që vendësit të marrin 3 pikët e radhës.

Në përfundim, trajneri Jeton Beqiri analizoi këtë sukses.

“Mendoj që ishte një paraqitje shumë e mirë e jona si skuadër dhe besoj që futbollistët, me shumë precizitet, arritën t’i kryejnë të gjitha detyrat e dhëna nga ne si stafi teknik para ndeshjes. Ne bëmë analizë dhe kishim ide dhe informacion se çfarë stili lojë praktikon ekipi i Slovanit”, tha Jeton Beqiri.

Skuadra tjetër shqiptare, Drita, u mposht në shtëpi nga AZ Alkmaar me shifrat 0-3. Golat për ekipin holandez u shënuan nga Mijnans, Jensen dhe Sadiq.