Rekord i të gjitha kohërave: Elon Musk njeriu më i pasur në historinë e njerëzimit

Elon Musk, personi më i pasur në botë, ka tejkaluar 600 miliardë dollarë në pasuri neto, duke u bërë personi i parë në histori, pasuria e të cilit ka arritur këtë shifër, raportoi Forbes.

Rritja e pasurisë së Musk lidhet me vlerësimin e kompanisë së tij të raketave SpaceX, e cila kohët e fundit u vlerësua në 800 miliardë dollarë, nga 400 miliardë dollarë që ishte në gusht

Musk zotëron rreth 42 përqind të kompanisë, gjë që i ka sjellë atij 168 miliardë dollarë shtesë, dhe pasuria e tij totale vlerësohet në 677 miliardë dollarë.

Në vitin 2026, vlera e kompanisë “SpaceX” mund të rritet aq shumë sa Musk mund të bëhet potencialisht trilioneri i parë në botë.

Përveç SpaceX, Musk zotëron xAI Holdings dhe një aksion në Tesla, gjë që ia shton më tej pasurinë.

Gjatë pesë viteve të fundit, Musk shënoi një rritje të madhe të pasurisë: në mars të vitit 2020, pasuria e tij vlente 24.6 miliardë dollarë, dhe në tetor të vitit 2025, arriti në 500 miliardë dollarë.

Ai aktualisht ka 425 miliardë dollarë më shumë se Larry Page i Google, i renditur i dyti, pasuria e të cilit vlerësohet në 252 miliardë dollarë.

LEXONI GJITHASHTU:

• Musk: Bashkimi Evropian nuk është një demokraci, më tepër një burokraci
• Musk: Inteligjenca artificiale dhe robotët humanoide do të eliminojnë varfërinë