Abdixhiku letër Von der Leyen, kërkon heqjen e masava të BE-së ndaj Kosovës

Kandidati për kryeministër nga Lidhja Demokratike e Kosovës, Lumir Abdixhiku ka njoftuar përmes një postimi në “Facebook” se i ka dërguar letër Presidentes së Komisionit Evropian, Ursula von der Leyen. Në këtë letër ai i ka kërkuar heqjen e masave të BE-së ndaj Kosovës.

Abdixhiku shkruan se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend.

“Lidhja Demokratike e Kosovës (LDK) kërkon heqjen e menjëhershme të masave ndëshkuese të Bashkimit Evropian ndaj Republikës së Kosovës. LDK vlerëson se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend”, thuhet në letër.

Ai thekson se masat e Bashkimit Evropian po prodhojnë pasoja të drejtpërdrejta për qytetarët e Kosovës dhe po dëmtojnë institucionet e shtetit.

“Pushteti lokal në Republikën e Kosovës në komunat veriore tashmë është transferuar dhe është plotësuar kriteri i vendosur nga BE-ja. Këto masa kanë dëmtuar drejtpërdrejt Kosovën dhe qytetarët e saj, e jo politikanët. Si pasojë, një numër i konsiderueshëm projektesh zhvillimore dhe investimesh të rëndësishme kanë mbetur të bllokuara dhe të parealizuara, duke penguar zhvillimin ekonomik dhe përmirësimin e shërbimeve publike,” shkruan ai.

Lidhja Demokratike e Kosovës i bëri thirrje Bashkimit Evropian që të marrë vendim për heqjen e plotë të masave ndëshkuese ndaj Kosovës, në përputhje me parimet e drejtësisë, proporcionalitetit dhe partneritetit.

Abdixhiku shkruan se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend.

Abdixhiku shkruan se vazhdimi i këtyre masave është i pajustifikuar dhe nuk pasqyron zhvillimet aktuale politike dhe institucionale në vend.

LEXONI GJITHASHTU:

• SPAK i kërkon Kuvendit heqjen e imunitetit të zëvendëskryeministres Belinda Balluku
• SPAK kërkoi heqjen e imunitetit të Ballukut, reagon Rama