Eurostat: Ushqimet në Shqipëri, thuajse në nivelin e BE! Më të shtrenjta se rajoni

Çmimet e ushqimeve ne Shqipëri janë më të larta se në rajon dhe pranë nivelit te çmimeve te Bashkimit Europian. Krahasimet dalin ne raportin e fundit te Eurostat. Në vitin 2024, çmimet e ushqimeve në Shqipëri rezultojnë pranë mesatares së Bashkimit Evropian.

Nëse mesatarja e BE-së është vendosur në nivelin 100, Shqipëria regjistron indeksin 98.7, vetëm 1.3 për qind më poshtë se mesatarja europiane. Ky nivel e vendos vendin dukshëm mbi fqinjët rajonalë, ku Serbia renditet me një indeks 95.7, dhe Mali i Zi dhe Bosnje e Hercegovina me 82.6.

Diferenca bëhet edhe më e thellë me Maqedoninë e Veriut, e cila ka një indeks prej vetëm 73.0, duke reflektuar një kosto ushqimore shumë më të ulët

Në krahun tjetër, Shqipëria afrohet shumë me disa vende anëtare të BE-së në rajon. Sllovenia regjistron një indeks prej 99.3, praktikisht në të njëjtin nivel, ndërsa Kroacia e ka kaluar lehtë mesataren europiane me 100.5.

Italia dhe Greqia shfaqen dukshëm më të shtrenjta, me indekse përkatësisht 104.0 dhe 105.1, por hendeku me Shqipërinë mbetet relativisht i ngushtë në raport me diferencat e mëdha të të ardhurave mes këtyre vendeve.

Ky pozicionim tregon se Shqipëria ka një treg të shtrenjtë në raport me të ardhurat dhe pesha reale e ushqimeve në buxhetin familjar mbetet më e rëndë krahasuar me shumicën e vendeve të Unionit.

LEXONI GJITHASHTU:

• Skandali “Qatargate”, Parlamenti Evropian i heq imunitetin eurodeputetes italiane
• Samiti i BE, Osmani udhëton në Bruksel: Prioritet, heqja e masave ndaj Kosovës