Shiste lëndë narkotike në zonat më të frekuentuara të Tiranës, arrestohet 19-vjeçari

Seksioni për Hetimin e Narkotikëve ka finalizuar operacionin policor të koduar “Night”, duke arrestuar një 19-vjeçar që siguronte, ndante në doza dhe shiste lëndë narkotike të llojit kokainë në zona me frekuentim të lartë në kryeqytet.

Operacioni u zhvillua pas informacioneve të siguruara, u zbulua i riu që ushtronte aktivitetin e shpërndarjes së kokainës, kryesisht në lokale nate në rrugët “Papa Gjon Pali II” dhe “Mustafa Matohiti”.

Në kuadër të këtij operacioni, u kap dhe u vu në pranga shtetasi G. V., 19 vjeç, banues në Tiranë. Gjatë kontrollit fizik, atij iu gjet dhe iu sekuestrua, në cilësinë e provës materiale, një sasi lënde e dyshuar narkotike kokainë, e ndarë në doza dhe e gatshme për shitje.