Putin: Marrëzi të sulmojmë Evropën, situata në Ukrainë është krijim i Perëndimit

Vladimir Putin ka sulmuar ashpër udhëheqësit perëndimorë për situatën në frontin ukrainas në intervistën e tij vjetore maratonë.

Ai e përshkroi si “marrëzi” diskutimin për sulmin e Rusisë ndaj Evropës dhe akuzoi udhëheqësit perëndimorë “e kanë krijuar situatën aktuale në Ukrainë me duart e tyre” dhe po e përkeqësojnë konfliktin. Ai tha se ata po flasin vazhdimisht për përgatitjen për luftë me Rusinë.

“Kjo bëhet bazuar në motivimet e tyre të brendshme politike, me qëllim krijimin e imazhit të një armiku”, tha ai, duke shtuar se qëllimi i tyre është “të mbulojnë gabimet e bëra sistematikisht nga udhëheqësit në ekonomi dhe politikën sociale”.

Putin përsëriti se Rusia nuk do ta sulmojë Evropën. Strategjia e re e sigurisë së SHBA-së, vuri në dukje ai, “nuk e përmend Rusinë si një kërcënim kryesor”. Si e tillë, ai ia ngarkoi NATO-s një pjesë të përgjegjësisë për tensionet me Moskën.

Putin tha gjithashtu se Rusia është e gatshme të ndalojë konfliktin “nëse merr garanci sigurie”. Megjithatë, ajo që ai nënkupton me garanci sigurie është thelbësore, pasi deri më tani, Ukrainës i janë bërë kërkesa të mëdha.

Putin tha se Rusia kishte rënë dakord për kompromise për Ukrainën. I pyetur nëse vendi do të jetonte në paqe vitin e ardhshëm, ai tha se ky ishte qëllimi.

“Do të doja ta përsërisja këtë me shumë zë, ne duam t’i zgjidhim të gjitha çështjet”, tha ai.

Megjithatë, Putini vuri në dukje se heqja e shkaqeve rrënjësore të konfliktit ishte e nevojshme për të siguruar një paqe të qëndrueshme.

LEXONI GJITHASHTU:

• Ukraina godet një cisternë në ujrat e Mesdheut, i përkste flotës ruse
• Putin flet për fitore në betejë, nuk jep sinjale se është i gatshëm për lëshime