Policia i gjeti thikë në çantë, arrestohet 14-vjeçari shqiptar në Greqi

Autoritetet greke kanë vënë në pranga një nxënës 14-vjeçar shqiptar. Arrestimi i tij ka ardhur pasi u kap me një thikë 20 centimetra jashtë  një shkolle në Selanik. 14-vjeçari është nxënës në shkollën e mesme “Pylaia”.

Në momentin e arrestimit ai ishte me dy shokë të tij jashtë shkollës së mesme të 3-të dhe Liceut të Charilaos.

Policia kontrolloi çantën e shpinës së të miturit dhe zbuloi se ai mbante me vete një thikë qelqi të improvizuar, afërsisht 20 centimetra të gjatë. Ai dyshohet se i tha policisë se e kishte me vete për vetëmbrojtje.

Policia arrestoi 14-vjeçarin për shkelje të ligjit për armët. Një padi u ngrit kundër tij dhe ai do të çohet para prokurorit kompetent.

LEXONI GJITHASHTU:

• Prokuroria Speciale e Kosovës aktakuzë ndaj Shpend Ahmetit për mosdeklarim pasurie
• Arrestohet aktivistja Greta Thunberg, po protestonte për Palestinën në Londër