Arrestohet aktivistja Greta Thunberg, po protestonte për Palestinën në Londër

23 Dhjetor 2025 | 17:48

Aktivistja suedeze Greta Thunberg është arrestuar të martën nga policia në Londër, teksa merrte pjesë në një manifestim pro-Palestinës.

Lajmin e bëjnë të ditur organizatorët e nismës, e promovuar për t’u solidarizuar me 8 anëtarë të burgosur të grupit “Palestine Action”, që po mbajnë një grevë urie prej 50 ditësh në Mbretërinë e Bashkuar.

Ata janë ndaluar në kuadër të masës së kontestuar të “terrorizmit”, e kërkuar nga qeveria e kryeministrit Keir Starmer.

“Palestine Action” është një grup i njohur për aksionet e mosbindjes civile dhe për denoncimin e lidhjeve mes Londrës dhe Izraelit, paralelisht me atë që ka ndodhur në Rripin e Gazës, por aktivistët e tij nuk janë inkriminuar kurrë për atentat kundër personit.

Ndërsa masa drakoniane e qeverisë Starmer ndaj grupit është kritikuar si në Mbretërinë e Bashkuar ashtu edhe jashtë saj, nga e majta paqësore, eksponentë të politikës liberale, OJQ humanitare dhe si Amnesty International dhe agjenci të OKB-së.

Greva e 8 të dënuarve, burra dhe gra që ende presin procesin gjyqësor dhe që për momentin nuk janë dënuar për asnjë vepër penale, është më e gjata e verifikuar në Britaninë e Madhe që nga kohët e asaj që njihet si “greva e urisë” e vitit 1981.

Asokohe, militanti republikan irlandezo-verior Bobby Sands dhe 9 bashkëluftëtarët e tij humbën jetën në burgun e Mejzit, për të kundërshtuar refuzimin e qeverisë konservatore të Margaret Thatcher për të për të njohur veprimet e tyre si krime politike dhe jo si krime të zakonshme.

 

Home Kryefaqja
Shiko në: YouTube
Lajme të Sugjeruara

Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë

Një aksident i rëndë u regjistrua këtë të diele në Barcelonë, kur dy persona humbën jetën dhe një tjetër u plagos. Shoferi i njërit mjet...
18:54 | 28/06/2026

Trump kontrollon projektet e rinovimit në Uashington

Presidenti amerikan, Donald Trump kontrolloi disa nga projektet e tij të rinovimit në Uashington DC të dielën në mëngjes, duke filluar me një shëtitje në...
18:20 | 28/06/2026

Serbët do të vazhdojnë protestat edhe pasi presidenti Vuçiç njoftoi se do të japë dorëheqjen

Mijëra protestues pritej të mblidheshin në qytetin serb të Kralevës të dielën, një ditë pasi Presidenti Aleksandar Vuçiç tha se do të jepte dorëheqjen, duke hapur...
18:09 | 28/06/2026