Trump njofton tarifa të reja, këtë herë për barnat gjenerike

Presidenti amerikan, Donald Trump njoftoi të martën një paketë të re tarifash, këtë herë për barnat gjenerike të prodhuara jashtë vendit, që do të fillojnë në vitin 2028.

Njoftimi, në një postim në rrjetet sociale erdhi vetëm tre muaj pasi presidenti lëshoi ​​një deklaratë ku thuhej se ilaçet gjenerike “nuk i nënshtrohen tarifave në këtë kohë”, por se vendimi “do të rivlerësohet brenda një viti”.

Ndryshimi i fundit marramendës i politikës tarifore nga Trump do të thotë se ilaçet gjenerike do të vazhdojnë të importohen pa tarifa deri më 1 gusht 2028, kur do të vendoset një tarifë 100% për një periudhë njëvjeçare dhe 200% më pas. Qëllimi i politikës, tha Trump, ishte të detyronte prodhuesit e ilaçeve të ndërtonin fabrika në Shtetet e Bashkuara.

Trump nuk deklaroi se çfarë autoriteti ligjor po pretendonte për të vendosur tarifa të ardhshme mbi ilaçet gjenerike, veçanërisht tarifën e parashikuar prej 200% e cila do të hynte në fuqi në gusht 2029, gjashtë muaj pas përfundimit të mandatit të tij të fundit.