Artur Metani raporton në Kuvend: Mbi 3 mijë dosje për t’u shqyrtuar në ILD

Në seancën e sotme të Kuvendit, në rendin e ditës janë raportimet e 6 drejtuesve të institucioneve të pavarura dhe shqyrtimi i dy projektligjeve për përdorimin e mjeteve piroteknike.

Fjalën i pari e ka mbajtur kreu i Inspektoratit të Lartë të Drejtësisë, Artur Metani, i cili në raportimin e tij të parë në Kuvend, prezantoi raportin vjetor të 2020.

Metani tha se numri i dosjeve të përcjella pranë institucionit që ai drejton i kalon 3 mijë.

“Sa për statistikë numri i dosjeve të përcjella në ILD nga institucionit si Këshilli i Lartë Gjyqësor, Këshilli i Lartë i Prokurorisë, Prokurori i Përgjithshëm dhe ministria e Drejtësisë, por edhe vetë nga ankesat të ardhurat nga vetë institucioni deri në dhjetor 2020 e kalon shofrën 3 mijë”, deklaroi ai.

Deri tani sipas tij, janë dhëne 8 vendime për hetime disiplinore, mes të cilëve 2 janë për prokurorë dhe 6 për gjyqtarë.

“Në 11 muaj punë në vitin 2020 është bërë një punë voluminoze, duke pasur parasysh se çdo kërkesë që mbërrin në institucion, kalon në disa etapa me afate kohore punë që janë shqyrtimi, verifikimi, hetimi dhe procedimi disiplinor. Gjatë vitit 2020 ILD ka miratuar 8 vendime për fillimin e hetimeve disiplinore, 2 prokurorë, 6 gjyqtarë”, u shpreh ai.

LEXONI GJITHASHTU:

Kryeprokurori Çela i kërkon Artur Metanit inspektime në shtatë prokurori

Artur Metani: Zbatimi i reformës në drejtësi është luftë, prokurorët dhe gjyqtarët që abuzojnë do të ndëshkohen

Vakancat në ILD, Artur Metani letër ministres Gjonaj për kriteret e përzgjedhjes së inspektorëve