Vjen urimi i Edi Ramës për Albin Kurtin pas fitores: Mandati le të kthehet në sukses

Kryeministri i Shqipërisë, Edi Rama, ka uruar Albin Kurtin për fitoren në zgjedhjet e jashtëzakonshme në Kosovë. Ai u shpreh se shpreson që mandati i rizgjedhjes së Kurtit të shërbejë për sukses dhe mbarësi për Kosovën dhe për marrëdhëniet vëllazërore mes dy vendeve.

“E kam uruar kryeministrin e rizgjedhur të Kosovës, për fitoren domethënëse dhe uroj që mandati i konfirmuar nga populli i Kosovës për Albinin e për partinë e tij, të kthehet në sukses e në mbarësi për Kosovën, si edhe për marrëdhënien vëllazërore mes dy shteteve tona. Gëzuar🇦🇱🎄🇽🇰”, shkruan Rama.