Burri dhunon gruan për vdekje dhe vret veten me armë, foto e viktimave në Orikum

Këta që shihni në foto janë çiftit e bashkëshortëve, Llogora dhe Sose Xhebroj, të cilët u gjetën të vdekur në Orikum të Vlorës.

Sipas të dhënave paraprake, dyshohet se Llogora Xhebroj ka dhunuar dhe më pas ka mbytur bashkëshorten e tij, Sose Xhebroj, brenda banesës. Më pas, ai dyshohet se ka zbritur në garazh dhe ka vrarë veten me armë zjarri.

Ngjarja e rëndë është regjistruar këtë të premte në Orikum, ku Sose Xhebroj, rreth 40 vjeçe, është gjetur pa shenja jete brenda banesës, ndërsa bashkëshorti i saj, 50-vjeçari Llogora Xhebroj, është gjetur i vrarë në garazh.

“Sot, rreth orës 13:30, është marrë njoftim nga urgjenca mjekësore se një shtetase, në Orikum, është gjetur pa shenja jete dhe me shenja dhune në banesë. Nga veprimet e para hetimore dyshohet se shtetasja S. Xh., 40 vjeçe, është vrarë nga bashkëshorti i saj, shtetasi Ll. Xh., 50 vjeç”, njofton policia.

Po ashtu, dyshohet se pas vrasjes së bashkëshortes, Llogora Xhebroj ka vrarë edhe veten me armë zjarri.

“Pas kontrolleve të ushtruara nga shërbimet e Policisë në zonën përreth kësaj banese, në garazh është gjetur dyshohet i vetëvrarë me armë zjarri autori i kësaj ngjarjeje, shtetasi Ll. Xh”, thuhet në njoftimin e policisë.

Arma pistoletë tip Glock dhe një gëzhojë kalibër 9 mm të gjetura në vendngjarje u sekuestrua në cilësinë e provës materiale ndërsa policia ndodhet në vendngjarje dhe po kryen veprimet procedurale.