Trump këmbëngul se SHBA do të drejtojnë Venezuelën: Machado nuk mundet

Presidenti Donald Trump tha të shtunën se nuk beson që udhëheqësja e opozitës venezueliane, María Corina Machado, ka mbështetjen ose respektin e nevojshëm për të udhëhequr vendin pas kapjes së Nicolás Maduro-s.

I pyetur nëse ka qenë në kontakt me Machadon që nga kapja e Maduros, Trump tha “jo”.

“Mendoj se do të ishte shumë e vështirë për të të ishte udhëheqëse. Ajo nuk ka mbështetjen brenda vendit ose respektin brenda vendit. Është një grua shumë e mirë, por nuk ka respektin për të qenë udhëheqëse”.

Teksa u pyet nga mediat se kush do ta drejtojë Venezuelën, ai bëri shenjë me dorë drejt vetes dhe Sekretarit të Shtetit të SHBA-së, Marco Rubio, ndërsa tha se “për një periudhë kohore do të jenë kryesisht njerëzit që do të qëndrojnë menjëherë pas meje”.