Reshje intensive dhe përmbytje, del nga shtrati përroi i Ficos në Gjirokastër

Gjatë orëve të mbrëmjes qyteti i Gjirokastrës është përfshirë nga rreshjet intesive. Prurjet e shumta kanë bërë që uji të vërshojë në rrugët e brendshme kryesisht në lagjet e poshtme. Problematikë është edhe dalja nga shtrati e përroit të Ficos. Është vështirësuar qarkullimi në rrugën kombëtare në hyrje të Gjirokastrës si shkak i vërshimit të ujrave.

Lidhur më këtë ka reaguar edhe kryetari i Bashkisë së Gjirokastrës, Flamur Golemi në rrjetin social facebook, teksa njofton për çdo qytetar shmangien e lëvizjeve të panevojshme.

Kryebashkiaku shton se emergjencat ndodhen në terren duke ndjekur situatën

“Orë të vështira në Gjirokastër prej reshjeve intensive të shiut përgjatë gjithë ditës së sotme e sidomos tani në mbrëmje. Lutem shmangni lëvisjet e panevojshme dhe në rast se ju duhet ndihmë, telefononi në numrin 112. Strukturat lokale e qëndrore të emergjencave janë në terren dhe ndjekje të situatës për të bërë gjithçka duhet dhe kemi në dorë për të mos pasur pasoja, mbi të gjitha në njerëz e pastaj me radhë dëme të tjera materiale”, shkruan Golemi.